Невролози од универзитетот од Торонто развиле нова метода за рекреирање слики перцепирани од човечкиот мозок базирана на електроенцефалографски (EEG) читања.
Кога нешто ќе видиме, нашиот мозок креира ментална перцепција која во суштина е ментален отпечаток на тоа што сме го виделе. Сега, научниците успеале да го видат овој отпечаток со помош на EEG.
Тест субјектите биле закачени на EEG машина и им биле презентирани неколку слики со ликови на нив. Потоа, тие биле дигитално рекреирани на начинот како биле перцепирани во умот на индивидуата користејќи техники за машинско учење за поклопување на нивната мозочна активност со одредени типови на фацијални карактеристики.
Претходно, истото било постигнато со податоци од скенови со функционална магнетна резонанца (fMRI), но користењето на EEG машини е далеку повеќе вообичаено, преносно и помалку скапо во споредба со fMRI. Ваквите машини исто така може да следат како сликата се развива во мозокот во период од неколку милисекунди, додека fMRI тоа го прават за неколку секунди.
Следен чекор ќе биде тестирање на овој процес со слики на кои не се прикажани само лица.
Ваквата техника за „читање на мислите“ би можела да им го промени животот на многумина, особено на оние кои не можат да зборуваат или имаат потешкотии во комуницирањето. Исто така би можела да овозможи создавање на јасна слика што некој сведок гледал и на што се сеќава во врска со некој настан, што значително би го олеснило начинот на кој се истражуваат криминалните случаи.