Нови капки за очи развиени од истражувачите од медицинскиот центар Шаре Зедек и универзитетот Бар-Лан во Израел би можеле да ги подобрат и кратковидоста и далекувидоста кај луѓето.
Капките за очи се нов концепт за коригирање на рефрактерните проблеми, а новите патентирани користат нанотехнологија за подобрување на видот.
Ваквите нанокапки би можеле да ги заменат мултифокалните леќи кои на луѓето би им овозможиле да можат да фокусираат објекти на различни далечини.
За нивно користење, пациентите ќе биде потребно да лансираат апликација на нивните смартфони која ја мери рефракцијата (прекршувањето на светлината) и на основ на тоа креира ласерски шаблон кој потоа би се „удрил како печат“ на корнеалната површина на очите.
Иако првичните резултати добри, сè уште е рано да се каже колку често капките би требало да се ставаат во очите за да комплетно ја „поправат“ корнеата и да ги заменат очилата. Потребни ќе бидат и дополнителни истражувања пред да започнат тестирања врз луѓе со кои ќе се утврди дали состојките во капките се токсични и колкава количина е потребна за да тие имаат ефект.