Последниве неколку години улогата на бактериите и останатите организми во стомакот биле фокус на оние кои создавале продукти за подобрување на здравјето.
Компаниите кои создаваат пробиотици со нивните продукти ветуваат подобрување на варењето и подобрување на расположението, меѓутоа сечиј стомак е различен. Она што ќе функционира кај една личност не значи дека ќе го има истиот ефект и врз друга, поради што е важно да се знае што точно му треба на стомакот.
Сега, нова компанија наречена Viome овозможува начин тоа да се дознае.
Viome е единствена компанија која користи РНА секвенцирање за анализирање на стомачниот микробиом – технологија која овозможува прецизна и персонализирана диета и нутристички препораки за подобрување на здравјето.
Потребно е да се испрати примерок од изметот до Viome користејќи едноставен домашен прибор кој од компанијата се испорачува до домот, кој потоа е анализиран од уред со вештачка интелигенција креиран од научници, лекари и нутриционисти.
Корисниците исто така прават и метаболички тестови и пополнуваат анкета во врска со нивните навики чии одговори ќе помогнат за создавање на програма за исхрана според нивните потреби.
Според креаторот и извршниот директор на Viome, многу компании користат ДНК секвенцирање за анализирање на стомакот, но тоа дава погрешни информации бидејќи РНК се креира само кога нешто е живо и се размножува, што е идеално за истражување на составот токму на живите микроорганизми во стомакот.
Откога сите тестови се завршени, Viome испорачува нутриционистички препораки за подобрување на целокупното здравје создадени стриктно за организмот на поединецот кој што го испратил и за неговите потреби – без разлика дали се работи за слабеење, подобрување на расположението или зголемување на енергијата.