Научници создале „завој кој се вбризгува“ направен од вообичаени хранливи состојки и наночестички кој брзо го запира крвавењето и помага за побрзо зараснување на раните.
Кога некој е повреден, не значи дека крвари само од надвор – раните од куршуми и други повреди предизвикуваат и внатрешно крварење коа мора што побрзо да се спречи за да повредата нема фатални последици.
Тим биомедицински инженери од A&M универзитетот во Тексас го измислиле овој завој кој е направен од желатински агент добиен од алги и дводимензионални глинени наночестички, кои заедно формираат хидрогел – желатинска супстанца која содржи многу вода и функционира одлично за лекување на рани.
Главната супстанца во овој хидрогел е k-carrageenan, добиена од црвени алги кои може да се јадат и се користат како агент за згрутчување во многу видови храна.
Во нивната претходна работа со желатински супстанци, истражувачите имале заклучено дека хидрогеловите можат да се зајакнат со наносиликати – малечки честички базирани на глина – кои ја подобруваат структурата на гелот формирајќи рамка и ефективно претворајќи го во „завој кој се инјектира“.
Кога го тестирале „завојот“ врз животни и клетки од човечко ткиво во лабораторија, тој за згрутчувал крвта за помалку од 3 минути, а било забележано и дека значително се подобрила регенерацијата на ткивото и заздравувањето на раните кај третираните примероци.
Најдобро од сè било што наночестичките кои биле искористени во хидрогелот би можеле и да испорачуваат лекови до раната, полека испуштајќи ги во телото по потреба.
Сега засега овој продукт не бил тестиран врз човечки рани, но доколку позитивно ги помине сите тестирања, прашање на време е кога докторите ќе можат да го додадат во својот арсенал.