Нашиот здив може да носи знаци на болести. Некои животни како кучињата имаат толку чувствителни носеви да можат да детектираат одредени канцери во нашиот здив пред тоа да го сторат медицинските уреди.
Истражувачите од универзитетот во Аделејд сметаат дека може да се користат ласерски детектори кои служат за откривање на ретки гасови за медицинска употреба, или за детектирање на загаденост.
Секој гас апсорбира светлина на специфични бранови должини, па така испуштање на светлина со широк спектар низ примерок на здив може да го идентификува неговиот состав. Ова е техниката која ја користиме за одредување на составот на ѕвездите, а понекогаш и атмосферите на планетите.
Научниците решиле да ја искористат технологијата која конвертира ласер кој функционира со единечна фреквенција во таков кој функционира со милиони дискретни фреквенции, за која нејзините креатори добиле Нобелова награда за физика во 2005.
Овој ласер може да детектира концентрации на јаглерод диоксид со прецизност од 0.04%, служејќи како еден вид „оптички нос од куче“.
Целта на тимот истражувачи е да детектираат супстанци во концентрации кои се мерат во делови од билион. Иако тоа сè уште не им е успеано, тие велат дека се на добар пат.
Покрај пронаоѓање на знаци на болест во здивот на пациентот, технологијава може да се користи и за лоцирање на извори на загадување.