Нов кандидат за HIV вакцина е тестиран врз луѓе и мајмуни, со резултати кои ветуваат.
Скоро 400 здрави неинфицирани возрасни личности на возраст од 18 до 50 години биле третирани со неа во периодот помеѓу февруари и октомври 2015-та и имале имунолошки одговор на вакцината и добро ја толерирале, додека кај мајмуните 67% биле заштитени против сродната SHIV инфекција. Партиципантите инаку биле третирани во клиники во источна и јужна Африка, Тајланд и САД, со 7 комбинации на вакцината.
Ова е една од само 5-те вакцини кои стигнале до оваа фаза на тестирањето во последниве 35 години откога е започната епидемијата на HIV/AIDS.
Клучниот чекор кој ќе мора да го помине ќе бидат 2600-те подложни на ризик жени од Јужна Африка во втората фаза на тестирањето, за да се види дали вакцината може навистина да ги заштити од HIV инфекцијата.
Во ваквите видови на услови од реалниот живот, останатите опции потфрлиле во долгорочната заштита бидејќи биле базирани на нишка на HIV од специфичен регион во светот, а вирусот рапидно мутирал ефективно застарувајќи ја вакцината уште пред таа да биде употребена.
Новата вакцина е направена со поразличен пристап и е наречена „мозаик“ вакцина бидејќи содржи делови од различни HIV вируси кои ги комбинира заедно за да предизвика имунолошки одговор на сите нив.
Годишно има околу 1.8 милиони нови случаи на HIV, а безбедна и ефективна вакцина би била неверојатна алатка во запирањето на пандемијата.