Стареењето е борба за која луѓето отсекогаш знаат дека не можат да ја добијат и сите имаме прифатено дека истото не може да се избегне по никоја цена.
Меѓутоа, со тек на годините научниците се обидуваат да ги пронајдат корените на овој биолошки процес и да откријат дали постои некој начин да се запре и неговите ефекти да се елиминираат.
Во најнова студија, истражувачите успеале да ги елиминираат ефектите од стареењето кај некои стари човечки клетки преку испорачување на специфичен молекул во нивната митохондрија – структурата внатре во клетките каде се создава енергијата.
Студијата опишува како испорачување на водород сулфид директно во митохондријата може да им овозможи на старите клетки повторно да ги добијат карактеристиките на помладите клетки, како што е способноста да се делат. Водород сулфидот всушност е состојката која го создава непријатниот мирис кај јајцата кои скапуваат, во големи дози е опасна, но при мали дози нуди разни придобивки. Испорачувањето на оваа супстанца директно каде што треба ги редуцира потенцијалните ризици.
Научниците се надеваат дека со користење на молекуларни алатки слични на оваа ќе можат евентуално да ги отстранат сенесцентните клетки кај живите луѓе, со што одеднаш би се таргетирале по неколку болести поврзани со стареењето.