Ново истражување на матичните клетки земени од плацената би можело драстично да ја напредне регенеративната медицина. Питер Диамандис, основач на X-Prize и Singularity универзитетот, заедно со Роберт Харири, основачот на Celgene Cellular Therapeutics, решиле да ги истражуваат овие специфични матични клетки со цел да откријат нови регенеративни терапии.
Нивната иницијатива наречена Celularity е базирана околу идејата дека матичните клетки од човечката плацента (која ги транспортира хранливите материи до фетусот за да расне) се идеални за регенерирање на ткива и органи. Според Celularity, клетките можат да бидат земени од било која плацента која обично се фрла и ставени во некој пациент без ризик неговото тело да ги отфрли.
Нивната мисија е 100 годишната старост да биде „новата“ 60 годишна и да им овозможи на луѓето максимална естетика, мобилност и когниција како што стареат.
Тимот на Celularity досега има собрано околу 250 милиони долари, направено неколку клинички тестирања, третирано многу пациенти и се надева дека во наредните 1 до 2 години ќе добие одобрување од FDA со што новите третмани би станале достапни за пошироката јавност.
По пораѓањето, има строги правила во врска со тоа што можат родителите да направат со плацентата (да ја земат дома, па дури и да ја продадат), па така Celularity зема нешто што најчесто е медицински отпад во болниците и го користи за потенцијално развивање на нови третмани за мноштво болести, вклучувајќи ги и разните видови на канцер.