Најмалку 7 пациенти во Пекинг за кои докторите велеле дека нема надеж некогаш да се освестат, биле ре-евалуирани од систем со вештачка интелигенција (AI) кој предвидел дека тие ќе се разбудат во текот на една година – што и се случило.
Еден 19 годишен пациент поминал 6 месеци во вегетативна состојба по несреќа која му предизвикала сериозна повреда на левата слепоочница.
Некои од најдобрите кинески невролози извршиле 4 рунди на проценки за неговиот потенцијал за опоравување и му дале 7 од 23 поени на скалата за закрепнување од кома – што значи дека неговата фамилија имала легално право да го исклучи од машините за животна поддршка.
Но, откога ги анализирал неговите мозочни скенови, компјутерот му дал повеќе од 20 поени.
Во друг случај, докторите на една 41 годишна жена која преживеала мозочен удар и била во вегетативна состојба 3 месеци и дале 6 поени, додека компјутерот и дал 20.23.
Овие двајца, како и уште 5 други пациенти за кои докторите верувале дека никогаш нема да закрепнат, се разбудиле во првите 12 месеци по мозочното скенирање, како што AI системот предвидел.
Системот направил и некои грешки – 36 годишен маж кој имал оштетување на мозокот поради мозочен удар добил ниски оценки и од компјутерот и од докторите, но целосно закрепнал за помалку од една година.
AI системот инаку бил развиен по 8 годишно истражување од кинеската академија на науките и PLA болницата во Пекинг, а постигнал над 90% точност во неговите прогнози.
Според истражувачите кои го имаат создадено, нивната машина „гледа“ работи “невидливи за човечките очи“.
Мозокот на пациентите се скенира со магнетна резонанца, технологија која ја следи мозочната активност мерејќи ги малите промени во крвотокот. Нервните активности се пребројни и пресофистицирани за да бидат директно видливи за докторите, но AI системот опремен со алгоритми за машинско учење е способен детални да ги разгледува и да открива претходно непознати модели на однесување од претходни случаи.
Овој систем е лансиран во 2010-та, а денес е дел од секојдневното функционирање на болницата и помогнал во дијагностицирање на над 300 луѓе.