Матични клетки земени од бебешки заби би можеле да се користат за поправање на забни повреди или поправање на мртви заби во иднина.
Научници објавиле дека успеале да ги искористат овие клетки да поправат трајни заби кај децата кои сè уште не пораснале.
Регенеративната природа на матичните клетки им овозможила на истражувачите да го обноват мекото внатрешно ткиво (денталната пулпа) во забите на 30 пациенти при клиничко тестирање во Кина.
Истата техника кога ќе се усоврши би можела да се користи за поправање на заби на возрасни лица, заменувајќи ги крвните садови и нервните конекции кои често пати се оштетени или ги нема откога некој заб сериозно ќе се оштети. Така, на пациентите би им се повратило чувството за студено и топло во забите и тие повторно би им биле живи.
Матичнте клетки кои биле употребени во студијата биле созревани во лабораторија, а потоа имплантирани назад во повредените заби.
Резултатите покажале дека повредени заби на децата кои ја добиле оваа терапија имале подобрен крвоток и подебел дентин, како и знаци на развивање на здрав корен.
За да се потврди дали ваквата терапија би била безбедна и ефективна ќе бидат потребни околу 2 до 3 години, а ќе бидат потребни и пообемни тестови за да се истражи и како функционираат матичните клетки кои нема да бидат земени од млечните заби на самите пациенти.