Тим јапонски истражувачки сега се поблиску од било кои други научници да создадат лабораториски израсната човечка јајце клетка. Тоа значи дека денот кога би можеле да „растеме“ луѓе во лабораторија сè повеќе се доближува.
Тимот од универзитетот Кјото започнал со трансформирање на човечки крвни клетки во матични клетки, нешто кое научниците го прават од 2006-та. Потоа, тие креирале малечки вештачки јајници од ембрионски клетки на глушец и во нив ги ставиле матичните клетки, со што им било сигнализирано да почнат да се развиваат.
Во период од околу 4 месеци, клетките почнале да покажуваат исти карактеристики како оние на несозреаните јајце клетки, познати како ооцити – прекурсот на лабораториски создадени човечки јајце клетки.
Според научниците, само е прашање на време кога успешно истото ќе може да се направи и со човечки клетки, и дека веќе мора да почне да се размислува околу потенцијалната негативна реакција за вакво нешто, мотивирана од политички, религиозни или останати размислувања кои оваа технологија би ја ставиле во состојба на мирување.
Ваквата технологија би имала огромен потенцијал за создавање на лабораториски репродуктивни клетки врз кои би можеле да се тестираат ефектите на нови лекови или на потенцијалната опасност која животната средина би ја предизвикала врз нив, со цел да се осигураме дека децата кои потоа би се развивале (по природен пат) од овие клетки, нема да бидат експонирани на било какви потенцијални опасности за време на бременоста.