Повеќе од 300 видови бактерии можат да предизвикаат болести кај луѓето, а сега конечно имаме начин да направиме испитување за откривање на сите одеднаш.
Сегашните напредни платформи за испитување бактерии можат да бараат знаци за 19 видови на бактерии во еден примерок. Сега, истражувачи од универзитетот Колумбија создале нов систем кој може да ги испита сите 307 вида симултано, со што би претставувал моќно оружје во глобалната борба против антибиотската резистентност.
Системот наречен BacCapSeq користи 4.2 милиони генетски сонди да детектира ДНК потписи на сите 307 видови патогени бактерии, а секоја од нив се врзува за единечен бактериум или биомаркер за антибиотска резистентност и вирулентност (способноста да го зарази „домаќинот“). Доколку тој бактериум или биомаркер се појави во примерокот крв кој се тестира, сондата се закачува на него на начин на кој што може да се детектира во лабораторијата.
Оваа платформа е 1000 пати почувствителна од традиционалните системи кои сега се користат за тестирање, но има слична брзина со нив – вообичаениот тест за сепса побарува 72 часа за да е комплетиран, а на BacCapSeq за резултатите му се потребни 70 часа.
Тимот од универзитетот Колумбија се надеваат дека ќе успеат да го скратат времето потребно да се генерираат резултати, а доколку се успешни во тоа, би можела значително да се намали бројката на луѓето на кои непотребно им се препишуваат антибиотици, што во суштина е јадрото на кризата поврзана со антибиотската резистентност.