Природата често пати ни дава решенија за нерешени медицински проблеми. Овој пат, едно такво решение доаѓа од имунолошкиот систем на еден тип на камили, поточно на алпаката.
Студија од институтот за истражувања во биомедицината (IRB Barcelona) и универзитетот Врије од Белгија опишува бројни терапевтски алатки кои имаат капацитет да ја блокираат активноста на EGF, фактор за раст кој е дисрегулиран во клетките на ракот.
EGF (Epidermal Growth Factor) е терапевтска цел кај канцерот, за кој досега не се пронајдени инхибитори. Тимот истражувачи кој ја водел оваа студија е првиот кој идентификувал фамилија нанотела-антитела кои ги имаат исклучиво камелидите, кои биле добиени од алпака и се ефективни против EGF.
IRB Barcelona го продуцирале EGF протеинот, додека нивните белгиски колеги до инјектирале во алпаките, чиј имунолошки одговор продуцирал серија нанотела чии молекули биле идентификувани како потенцијални инхибитори на EGF.
Вака создадените лекови би можеле да се корисни за пациентите кои имаат развиено резистентност кон EGFR инхибиторите моментално на пазарот, а прв чекор кон тоа би било да се евалуира фармаколошкиот ефект кои овие нови нанотела го имаат во моделите на човечки и животински канцерогени клетки.