Повеќето биосензори кои се денес на располагање функционираат со комплицирани електронски кола, кои побаруваат батерија и ја зголемуваат нивната цена. Други пак резултатите ги даваат во форма на различни комбинации од бои, што може да биде тешко за интерпретирање.
Сега, истражувачите од универзитетот Нортвестерн развиле нов систем кој се напојува далечински и испраќа податоци до смартфон или било кој друг уред преку NFC (near field communication), а за да открие што се случува во телото ја апсорбира потта.
Самата лепенка има систем од пори кои водат до разни комори во неа, а секоја комора мери специфичен хемиски биомаркер како што е нивото на глукоза, ПХ балансот и нивото на електролити, статусот на хидрација и сл.
Овој евтин уред би можел да им помага на спортистите да си го следат здравјето за време на натпреварувањата, како и да се користи како дијагностички уред кај пациентите со цистична фиброза или со болести на бубрезите, како и кај дијабетичарите кои со негова помош би го мереле нивото на гликоза во крвта без потреба од земање примерок крв за тоа.