Лек кој забавува стареење го помина првото тестирање врз луѓе

Не сите оштетени клетки умираат – некои се задржуваат во форма на сенесцентни клетки кои не можат да се размножуваат, но сè уште продуцираат хемиски сигнали и истите можат да играат огромна улога во борбата против стареењето.

Се смета дека овие клетки и супстанците кои ги продуцираат се вклучени во процесот на стареењето и дека нивното отстранување би овозможило здраво стареење и би ги сопрело болестите предизвикани од стареењето.

Во јануари, истражувачот на долговечност Николас Муси од универзитетот на Тексас и неговите колеги ги објавиле резултатите од тестирањето во кое биле третирани 14 пациенти кои имале фатално заболување на белите дробови наречено идиопатска пулмонарна фиброза (IPF), со комбинација од лекови за кои сметале дека го чистат организмот од сенесцентните клетки.

Во период од 3 недели, пациентите добиле 9 дози од лекот за леукемија дасатиниб и од суплементот кверцетин. На крајот на истражувањето, пациентите можеле да се движат подалеку отколку пред почетокот на студијата и покажале други знаци на подобрување на здравјето, без никакви сериозни несакани ефекти од лековите.

Веќе е во тек тестирање на ефикасноста на оваа терапија врз група од уште 15 нови пациенти, како и врз 20 луѓе со хронично заболување на бубрезите.