Грипот убива околу 650 000 луѓе годишно, а заболуваат многу повеќе – дури и оние кои ја имаат добиено годишната вакцина можат да се разболат од варијација на грипот против која вакцината не заштитува.
Сега, научниците создале нов експериментален третман кој би можел да овозможи поширока заштита од многу варијации на грипот, дури и од оние кои создаваат инфекции кои се смртоносни. Тој сè уште не е тестиран врз луѓе, но е возможно новиот молекул кој го содржи да биде долго очекуваниот лек за грипот.
Третманот се состои од молекули кои го имитираат начинот на кој што природно создадените антитела од телото се борат со вируси. Единствените „пациенти“ врз кои новиот лек е испробан се лабораториските глувци кои иако биле експонирани на смртоносни дози од грипот, преживеале.
Новиот третман бил ефективен и во третирање на клетки од човечки бели дробови израснати во лабораторија.