Нова техника за модифицирање на гени која сега за прв пат била искористена врз човечки клетки, еден ден би можела да помогне за уништување на вируси како херпесот или хепатитис Б во внатрешноста на клетките.
Новата техника е наречена CRISPR-Cas3 (онаа која вообичаено се користи е Cas9), со чија помош научниците успеале да идентификуваат и отстранат долги нишки од човечка ДНК.
Наместо лоцирање и отстранување на генетски материјал како што тоа се прави со CRISPR-Cas9, Cas3 методата лоцира ДНК секвенци и брише цели делови од нив.
Оваа метода им овозможува на научниците брзо да научат што прават специфичните долги делови од генетска информација и каква интеракција имаат со одредени болести. Тоа значи дека истата може да се користи за напаѓање и отстранување на вирусна ДНК.
Моментално, најголемото ограничување на кое истражувачите работат да го отстранат е контролирањето колку големи делови ДНК новиот CRISPR метод брише, бидејќи сега засега не може прецизно да се дефинира границата помеѓу деловите.