На Медицинскиот центар при универзитетот на Мериленд им бил испорачан бубрег за трансплантација со помош на дрон – чекор кој испораката на органи би ја направил побезбедна и поприфатлива.
Дронот бил модифициран во реално време да го надгледува органот (температурата, степенот на вибрации, притисокот на кој е изложен во воздухот, неговата позиција и сл.) и да испраќа податоци до персоналот кој требало да го прими трансплантот.
Примателот на испорачаниот бубрег била 44 годишна жена од Балтимор која 8 години поминала на дијализа.
Пред испораката, истражувачите го тестирале дронот со испорака на туби со крв, физиолошки раствор (салин), како и здрав човечки бубрег, но кој не бил употреблив за трансплантација.
Докторите веруваат дека употребата на дронови за испорака на органи би била пошироко употреблива отколку традиционалните методи, бидејќи за нивно полетување и слетување не се потребни хелиодроми, како што тоа е случај, на пример, со медицинските хеликоптери кои сега се користат за таа намена.