Кинески истражувачи развиле нов „биолошки лепак“ кој еден ден би можел да го спречи неконтролираното крвавење на срцето и артериите.
Кога ќе се стави на отворена рана и активира со UV светлина, овој лепак за околу 20-тина секунди претвора во нетоксичен хидрогел, способен да се лепи на меките површини како и пулсирачкото ткиво на срцето.
Лепакот сè уште не е тестиран на човечки органи, но кога прототипот бил тестиран врз свињи и зајаци, неговите перформанси биле значително подобри од оние на сегашните хируршки лепаци. Кај зајакот затварањето на раната која крвари траело 20 секунди, додека кај свињите помалку од минута.
Гелот може да издржи до 290 mmHg крвен притисок, многу повисок од оној со кој се справуваат докторите и медицинските сестри, издржувајќи многу повеќе од останатите хируршки лепаци.
Неговиот екстрацелуларен матрикс e базиран на структурата на човечкото сврзно ткиво, поради што е компатибилен со внатрешните органи и артерии, овозможувајќи му полесно сврзување со артериските и кардијални ѕидови.
Тимот истражувачи сега треба да се обиде овие успешни резултати да ги пренесе и во клиничко опкружување, а надежта е дека еден ваков продукт би бил за користење врз луѓе во следните 3 до 5 години.