Способноста неинвазивно да се анализираат тумори на кожата би можела биопсиите да ги направи многу помалку ризични и непријатни за пациентите.
Сега, експериментална процедура, прва од овој вид, наречена VOCT со малечка ласерска диода креира 3D мапа од лезијата (промена во структурата на ткивата, во овој случај на кожата) по цела нејзина ширина и длабочина под кожата.
Уредот исто така користи звучни бранови за да ја тестира густината и цврстината на лезијата бидејќи канцерогените клетки се поцврсти од здравите, а тоа го постигнува со звучник кој се поставува врз кожата и преку чии звучни бранови се мери вибрацијата на кожата за да се одреди дали лезијата е малигна.
Целата процедура трае 15-тина минути, а пациентот не чувствува никаква сензација од светлината, а и звукот е скоро нечуен – што е значително подобрување во однос на хируршките биопсии кои се инвазивни, скапи и траат долго време.
Прототип на VOCT уредот успешно разликувал здрава кожа од разни видови на кожни лезии и карциноми, а бил тестиран повеќе од 6 месеци врз 8 доброволци без лезии на кожата, и врз 4 екцизии на кожа.
Истражувачите моментално чекаат одобрување од FDA за да извршат поголемо тестирање