Во последно време, долгорочните последици од „помалите“ мозочни повреди се препознаени како сериозна закана за здравјето на спортистите, со што е зголемена и потребата од подобри тестови за нивно детектирање. Во недостаток на уреди за скенирање на секој спортски терен, нов крвен тест кој би ги откривал мозочните повреди може да биде решение за овој проблем, а би бил значително поефтин од компјутерската томографија, давајќи подобри резултати.
Професорот Геоф Менли од универзитетот на Калифорнија, Сан Франциско, креирал крвен тест со кој се детектираат некои од протеините кои се ослободуваат во крвта по трауматска повреда на мозокот (TBI).
MRI скенерите (магнетна резонанца) се стандардот за откривање на мозочни повреди, но тие се бавни и скапи, дури и за болниците кои ги имаат. Компјутерската томографија (CT), пак, е побрза и поевтина и ја има во повеќето здравствени установи, но со неа лесно може да не се забележат некои TBI.
Менли тестирал крв од 450 пациенти кај кои се сомневал дека постои TBI но кои имале чист CT скен, во која барал траги од GFAP за кој тој смета дека е биомаркер за мозочни повреди. Две недели подоцна на истите пациенти им била направена магнетна резонанца.
Иако крвниот тест за кој биле потребни 15 минути и бил направен со рачен i-STAT Alinity уред не ги предвидел MRI резултатите совршено, било заклучено дека пациентите со најголема количина GFAB имале 8 пати поголема шанса да им биде дијагностицирана мозочна повреда.