Биотехнолошката компанија BIOLIFE4D која се наоѓа во Чикаго успешно 3D-биоиспринтала мини човечко срце.
Тоа било креирано со помош на срцеви мускулни клетки од пациент и има потполно иста структура како и срце со нормална големина – 4 големи внатрешни комори и други структури како вентилите кои ги има во внатрешноста на човечкото срце.
BIOLIFE4D користеле специјално дизајнирано био-мастило, со карактеристики слични на желатинот, за слој по слој да го испринтаат минијатурниот орган, подржан од дополнително “скеле“ за да ја има потребната форма.
Потоа, срцето било пренесено во биореактор кој ги имитирал условите на човечкото тело, помагајќи им на клетките да се спојат и да создадат ткиво.
Научниците се надеваат дека оваа технологија го отвара патот кон био-принтање на човечко срце во реална големина, а во меѓувреме малечките срца можат да се користат од фармацевтските компании како алатка за тестирање на разни третмани и лекови. Со усовршување на технологијата би се овозможило принтање на функционално човечко срце кое би се користело за трансплантација во пациенти.