Истражувачите идентификувале нова подгрупа на ХИВ за прв пат по скоро две декади. Откритието доаѓа од примероци собрани во последните 30 години во Демократската Република на Конго.
Новата нишка е наречена ХИВ-1 група М подтип Л. Нејзиното постоење се претпоставувало долго време, поради студии на два примерока – еден од 1983-та и еден од 1990-та. За да се потврди постоење на нова нишка, потребни се 3 независни примероци. Примерок од 2001-ва покажал сличности, но тогаш било тешко целосно да се секвенцира.
Технолошките подобрувања од изминатите неколку години на истражувачите им дале можност да добијат цели геноми многу побрзо и од многу помали примероци, што конечно им овозможило на тимот научници од лабораториите Abbott повторно да го тестираат примерокот од 2001-ва, за кој се докажало дека навистина припаѓа на новата нишка.
Откривање на нови нишки од одреден вирус е клучно во борбата против него. Новите нишки имаат шанса да ја избегнат детекцијата во тестовите, да се резистентни на моментални третмани, и претставуваат уште една пречка за креирање на ефикасна вакцина.