Според истражување спроведено од седум универзитети во Велика Британија, младите хоспитализирани поради Ковид-19 се во подеднаква можност да им се искомплицира здравствената состојба како и на луѓето постари од 50 години.
Четири од 10 лица на возраст меѓу 19 и 49 години имале проблеми со бубрезите, белите дробови и другите органи за време на лекувањето, јави Би-Би-Си.
Студијата вклучува 73.197 лица во 302 болници во Велика Британија за време на првиот бран на коронавирусот во 2020 година.
-Пораката е дека ова не е болест што ги погодува само постарите лица и ранливите, рече професорот Калум Семпл, кој го водеше истражувањето.
Тој додаде дека Ковид-19 не е обичен грип и дека се забележани компликации кај многу млади луѓе, а некои од нив имаат потреба од третман на оштетени органи дури и по прележана инфекција.