Луѓето кои имаат проблеми со забите имаат поголеми шанси да доживеат одредени проблеми со срцето, докажуваат научниците. Тие открија дека здравјето на забите влијае врз здравјето на срцето, крвниот притисок и нивото на холестерол.
Во истражувањето учествувале 15.828 испитаници, кои имале проблеми со здравјето на срцето. За време на истражувањето одговарале на прашања поврзани со здравјето на усната шуплина, а особено на забите. Воочено е дека сите кои имале проблеми со срцето имале одредени проблеми и со забите. Се разбира, тука се забележувале и други фактори, како што е исхраната и пушењето.
На основа на добиените податоци, научниците заклучиле дека навистина постои поврзаност меѓу забите и срцето – луѓето кои имаат проблеми со забите имаат поголеми шанси да доживеат одредени проблеми со срцето.
- Потребно е да се направат додатни истражувања, но без никакво сомневање постои поврзаност меѓу здравјето на забите и здравјето на срцето. Токму затоа важно е луѓето да се грижат за здравјето на нивната усна шуплина, особено забите, бидејќи на тој начин превентивно ќе делуваат и на здравјето на срцето, изјави д-р Ола Ведин од универзитетот Упсала.
Ова откритие има огромно значење, бидејќи срцевите болести се на врвот на листата на причини за предизвикување смрт во светот.