Жените кои се родени без вагина или пак имаат некаква аномалија конечно може да се надеваат на нормален живот, откако пионирскиот научен потфат за вградување на вештачки вагини добиени од матични клетки, се покажа како мошне функционален.
Четири жени, меѓу кои и Мексиканката Џули, се подложија на операција за вградување на вагина, поради тоа што имаат MRKH синдром кој ги прави нивните вагини нецелосни. Синдромот се јавува кај една од 4500 жени и не се открива по детален преглед бидејќи вообичаено од надвор вагината изгледа сосема нормално.
-Не верував дека сето ова ќе функционира. Знаев за многу други процедури и ми беше сосема неубедливо дека се може да се заврши во лабораторија, вели Џули која ја направила својата операција пред 8 години на возраст од 18 години. Денес таа води нормален сексуален живот, а нејзината вештачка вагина од лабораторија функционира беспрекорно.
-Многу сум среќна затоа што имав шанса за ваква операција и нормален живот. Знам дека сум една од првите. Мошне е важно девојките кои имаат ваков проблем да дознаат дека ја имаат и оваа опција на располагање, објаснува Мексиканката.
Вообичаената постапка кај жени кои го имаат ова пореметување вклучува реконструкција на репродуктивните органи или нивно проширување, кое е мошне болно. Постапките најчесто се трауматични за пациентките, а во 75 проценти доаѓа до определени компликации.
Во новата постапка при која што се создава вештачка вагина од секоја пациентка се земаат примероци од епителни и мускулни клетки од пределот на вагината и во лабораторија се создава половиот орган, кој потоа по пат на операција се вметнува во женското тело. Благодарение на тоа, пациентките можат да имаат нормални сексуални однос, па дури и да доживеат оргазам, но не и да имаат деца.