Експертите тврдат дека пречестиот секс може да биде многу опасен за женското здравје. Имено, долготрајниот секс или сексот практикуван неколку пати во текот на денот може да резултира со инфекција на уринарниот тракт и да предизвика силни болки. Оваа појава се нарекува „циститис на меден месец“.
- Мочниот канал кај жените се наоѓа веднаш покрај вагиналниот отвор, што значи дека за време на сексот бактериите од гениталиите лесно се пренесуваат во него. Колку е сексот подолготраен, толку е поголем ризикот од инфекции, објаснува гинекологот Мери Џејн Минкин, професорка на универзитетот Yale.
Иако преовладува мислењето дека до инфекции најчесто доаѓа кога се има однос со нов партнер, Минкин смета дека во мочниот канал влегуваат бактериите кои ги има самата жена, а не само оние на партнерот. Затоа, доколку партнерот не боледува од генитални инфекции, не е проблемот во него, туку во маратонскиот секс.
Инфекциите се почеста појава кај жените кои се немаат породено, а некои од нив можат да се инфицираат дури и после секој сексуален однос.
Експертите тврдат дека ризикот од појава на инфекции може да се намали доколку пред и после сексуалниот однос се уринира, но сепак во секој случај треба да се посети гинеколог, кој во случај на инфекција ќе ви препише соодветна терапија. За проблеми со уринарниот тракт, од помош ќе ви биде и сокот или чајот од брусница.