Научниците од универзитетот „McGill “ спровеле истражување со кое покажаа како повеќето луѓе умираат од предозирање од таблети против болки. Научниците предупредуваат дека лековите против болки се поопасни од кокаинот и хероинот заедно!
Само во САД, во 2010 година поради овие лекови починале повеќе од 16.000 луѓе. САД и Канада го заземаат првото и второто место кога е во прашање консумирање на лекови од овој вид.
Исто така, научниците откриле дека влијаат 17 фактори врз зголемениот број на смртни случаи поврзани со лековите. Според нив, главната причина е препишувањето на лековите од страна на докторите, зголемената употреба на јаки лекови како што се оксикотин и метадон, мешање на овие лекови со други лекови или со алкохол, како и одредени социјални и демографски фактори. Научниците истакнаа дека за оваа смртоносна појава не се одговорни само докторите и пациентите, туку и здравствениот систем и социјалното окружување на пациентите.