На жените кои имале т.н. лажни позитивни резултати за рак на дојка при мамографија, сепак им се заканува 27%поголем ризик од ова заболување, за разлика од оние кај кои немало никакви позитивни резултати.
Данските научници од универзитетот во Копенхаген се уште не ги утврдиле причините за зголемувањето на ризикот. Според нив, евентуалните грешки на лекарите при раните мамографии, влијаат врз зголемувањето на ризикот.
Во новите истражувања се користени податоци од мамографија на 58.000 жени. Истражувањето уште еднаш ја потврдува потребата од создавање на персонализирани програми за детектирање на ракот на дојките.