По банките за крв и за сперма, пред неколку години во Америка се отвори и првата банка за измет, OpenBiome, која ги повикува граѓаните да го дадат својот измет, кој подоцна може да се искористи за лекување на болести на дигестивниот тракт.
Фецесот се користи во фекалната трансплантација (трансплантација на цревна флора), една од најновите медицински начини на лечења поврзани со цревни заболувања.
Банката ја основал Марк Смит откако се соочил со проблеми во болниците кои собирале измет од своите пациенти. Денес, OpenBiome снабдува 122 медицински установи во 33 американски држави. Третманот, во кој се користат пилули произведени на основа на свежа столица, поедноставен е и поевтин од класичното лечење. Внесувањето на здрава бактериска флора во органите за варење му помага на пациентот побрзо да оздрави.
Секој пациент, мора прво да изврши лекарски преглед. Доколку неговата здравствена состојба е задоволителна, давателот е должен во одреден период да помине 30 минути во банката. При секоја посета добива 40 долари (околу 30 евра).
Се уште е рано да почне да се дискутира за отворање на овој вид на банка во Европа. Сепак, се надеваме дека научниците ќе се заинтересираат и откако ќе ја сфатат нејзината примена, ќе отворат Европска банка за измет.