Докторите од Св. Винсент болницата во Сиднеј во соработка со своите колеги од институтот Виктор Ченг, неодамна ја направија првата успешна трансплантација на мртви срца.
Досега при трансплантацијата се користеа срца кои се земени од живи донори, чиј мозок е мртов. На овој начин бројот на органи кои беа достапни за трансплантација беше видно ограничен.
Сега, докторите од Сиднеј успеаја да искористат две срца кои биле мртви најмалку 20 минути и повторно да ги оживеат со помош раствор за зачувување. Срцата потоа се трансплантирани во двајца пациенти кои по операцијата напредуваат одлично.
-Пет минути по смртта на донорот, можеме да го извадиме срцето и да го ставиме во посебен дел каде што се поврзува со крв и која го обезбедува со кислород. Постепено тоа започнува повторно да бие, по што го одржуваме на топло и можеме да го пренесеме во делот каде што го ставаме во раствор за зачувување кој го заштитува од штетата која настанува поради недостатокот од кислород, вели Боб Грахам, извршен директор на институтот Виктор Ченг.
Благодарение на новата процедура на зачувување од сега па натаму повеќе од 30 проценти од пациентите кои имаат дисфункционално срце ќе можат да добијат ново преку трансплантација.