Научниците од универзитетската болница во Sahlgrenska, Шведска создадоа потполно нов крвен сад и тоа од две лажици крв.
Благодарение на новиот револуционерен метод тие можат да направат ново ткиво од стем клетки кое подоцна најнормално ќе функционира во телото на пациентот. Досега овие клетки се добиваа од коскена срцевина при процедура која е мошне инвазивна и екстремно болна.
Процесот на создавање на нов крвен сад од крв успеал од прва на големо изненадување на самиот научен тим.
-Освен тоа крвта го забрза растот на новата вена. Целиот процес траеше само една недела. Крвта содржи супстанци кои природно го стимулираат растот, објаснува Suchitra Sumitran-Holgersson, професор и водач на проектот.
За сега се изведени три успешни трансплантации со користење на оваа техника.
-Веруваме дека овој технолошки напредок ќе доведе до ширење на методата која ќе биде корисна и за другите групи на пациенти, како што се оние со проширени вени или миокарден инфаркт, кои имаат потреба од нови крвни садови. Нашиот сон е да создаваме цели органи со цел да го надминеме недостигот од донори, додава Holgersson.