Пред една година, сосема нормалниот 12-годишен Лендон Џоунс наеднаш ја изгубил желбата за храна и вода – и никогаш повеќе не му се вратила.
Овој случај се уште претставува мистерија и се смета дека е единствен на планетата. Лендон еден ден имал нормален апетит, а потоа следниот ден веднаш го загубил осетот за глад и жед, а состојбата била пропратена со инфекција на белите дробови.
Откако лекарите се справиле со инфекцијата, недостатокот на апетит се уште постоел. Оттогаш Лендон изгубил 15кг од вкупната тежина која изнесувала 47кг имал и многу мало количество на енергија. Неговите родители за време на секој оброк го охрабруваат да проба барем по некој залак, додека во одредени прилики го хранат и на сила.
Научниците сметаат дека најверојатно нешто не е во ред со неговиот хипоталамус, дел од мозокот кој ги регулира чувствата за глад, жед и други функции.
Неговата фамилија во меѓувреме одела во потрага по лек од земја во земја, при што сериозно се одразило на нивната финансиска состојба. Лендон веројатно ќе биде еден од неколкуте случаи кои секоја година ги испитуваат во Националниот институт за здравје.