Потешкотиите при достигнување на оргазам, или целосната неможност за ваквото задоволство е изненадувачки вообичаена ситуација. Она што е зачудувачки е неможноста да ги запрете оргазмите. Да, постојат и такви пореметувања. Можеби на прв поглед ви изгледа како интересно и безопасно, но пореметувањето на константна генитална возбуда има цела низа негативни ефекти во животот на оние кои патат од него.
Кара Анаја со оваа состојба се бори три години, откако ги искусила првите симптоми додека била излезена во продавница. Се затекнала себе си во состојба на ненадејна и неочекувана сексуална возбуда, проследена со вкочанување на нозете, а потоа паѓајќи на подот, таа искусила нестимулирани оргазми кои се одвивале сами од себе.
Од тогаш, 30-годишната Кара постојано е „благословена“ со нестимулирани огразми, чиј број на ден се движи од 10 до дури 180 за два часа.
- Ми се уништи животот. Исцрпена сум и преморена. Знам дека во следните неколку секунди, минути или часови ќе надојде уште еден, открива Кара за Barcroft Media.
Оваа состојба и’ нанесува физичка болка, покрај емоционалните потешкотии со кои се соочува. Неконтролираните оргазми и’ го нарушуваат секојдневието до тој степен што таа веќе станала и анксиозна и се плаши да излезе од дома.
- Не можам да си го однесам ни синот на училиште. Се чувствувам како перверзен болесник имајќи оргазам блиску до него.
За жал, ниту нејзиниот брак не е отпорен на оваа промена.
- Кога на мојата сопруга и’ беше дијагностицирано ова пореметување, помислив дека е луда. Не можев да разберам низ што поминува. Она што можам да го кажам е дека најтешкиот момент е кога ја гледам во силни болки, а јас не можам да сторам ништо за да и’ помогнам, се жали нејзиниот сопруг, 34-годишниот Тони.
Кара има посетено бројни специјалисти и лекари, но се уште го нема пронајдено лекот.
- Никому не би посакала вакво нешто. Ме прави да се чувствувам неверојатно осамена бидејќи никој не може да ме разбере, а свесноста за оваа болест меѓу луѓето е премногу мала. Единственото што го посакувам е да престане, се жали таа.