Личностите кои патат од астма се изложени на поголем ризик од срцев удар, сметаат американските научници. Според нив, ризикот бил најизразен кај пациентите кои поради контрола на астма морале секојдневно да земаат лекови. Новите податоци се собрани од 543 личности кои претрпеле инфаркт и 543 личности кои редовно оделе на контрола.
Откако ги земале во предвид факторите како што се дебелеење, зголемен крвен притисок, пушење, дијабетес и висок холестерол во крвта, истражувачите пресметале дека пациентите со активна астма имале просечно 70% поголем ризик за инфаркт.
Научниците веруваат дека причината е во фактот дека астмата и инфарктот може да имаат некои заеднички причинители, а покрај тоа хроничните воспалителни процеси поврзани со астма може да доведат до зголемување на ризикот за срцев удар.