Птичјиот грип повторно се врати и веќе ги зафати фармите во Германија и Холандија, кој многу лесно може да се пренесе од животните на луѓето. За среќа се уште не е дојден во нашата земја, но тоа не значи дека не треба на време да се информирате.
- Грипот H5N8, познат како птичји грип е една вирална болест меѓу птиците кои ги инфицира најпрво гуските и патките, а потоа лесно се пренесува и на домашните животни.
- Постојат два типа на птичји вирус: висок и низок патоген вирус. Високиот патоген вирус се шири брзо, може да предизвика сериозни болести и има висока стапка на смртност меѓу птиците. Нискиот патоген вирус може да предизвика не толку сериозни болести и да биде без симптоми.
Се шири низ водните патишта
- Птичјиот грип најчесто се шири низ водните патишта – дивите птици кои бараат храна од водите лесно го пренесуваат на останатите птици. Од Светската организација за здравје на животните велат дека хранењето на животните може да биде уште еден фактор за пренесување на болеста – ако дивите птици и останатите имаат пристап до иста храна.
- Вирусот има релативно висока мутација и нивната геномна структура им дозволува лесно да ги разменуваат генетските материјали, што значи дека мешањето на две или повеќе птици од различни видови може да предизвика нова закана.
- Повеќето птичји вируси не ги заразуваат луѓето, но H5N1 предизвикува сериозни човечки болести кои резултираат со смрт.
Прво заболување на луѓе од птичји грип во 1997 година
- Првото заболување на луѓе од високиот патоген птичји грип H5N1 било во 1997 година и тоа во Хонгконг. Потоа во 2003 и 2004 година се рашири од Азија до Европа и Африка каде што резултираше со неколку милиони заболени.
- H7N9 птичјиот грип од ниска патогена група, зарази тројца луѓе во Кина во март 2013 година. Оттогаш имаат заболено 450 луѓе, од кои 175 починале, но не се пријавени случаи на заразени од овој вирус надвор од Кина.
- Не постои доказ дека вирусот може да се прошири преку готвена птичја храна.