Експерименталната вакцина против ебола успешно поминала во првите клинички испитувања во САД, соопшти Ентони Феучи, директор на Националниот институт за алергиски и инфективни заболувања.
Научниците кои работат на тоа заедно со компанијата GlaxoSmithKline, ги објавиле резултатите од истражувањето во еден медицински весник. Вакцината против вирусот ебола добиле 20 доброволци, чии резултати се покажале позитивни. Помеѓу другото, под влијание на препаратот за имунолошкиот систем, секој од нив почнал да произведува антитела за вирусот ебола. При тоа немало никакви несакани ефекти, освен краткотрајно покачување на температурата кај двајца пациенти.
Фаучи кажа дека науката е чекор поблиску до создавањето на вакцина против ебола. Сепак, вакцината има уште еден пат кој треба да го помине пред употребата.
Институтот активно разговара со либериските претставници и другите партнери за следниот степен на тестирање на вакцината во западна Африка. И Белата Куќа го поздрави напредокот на патот за потрага по лек за вирусот, а американскиот претседател, Обама, на 2 декември ќе го посети овој институт за да му се заблагодари на Фаучи и неговиот тим за вложениот напор.
Според најновите податоци од СЗО, до сега 5.689 личности починале од ебола, а до 23 ноември 15.936 биле инфицирани.