Трнењето на екстремитетите укажува дека нешто не е во ред со нашиот организам. Иако оваа појава не е невообичаена, не треба да ја сфатите толку несериозно бидејќи истата може да укажува на потешки здравствени проблеми.
Прстите на рацете содржат најмногу нервни завршетоци, па заради тоа нивното трнење не е ретка појава. Иако не секогаш е тоа за паника, лекарите сепак советуваат дека е најдобро што побрзо да ги откриете причините зошто се случува оваа појава. На тој начин лечењето, доколку е потребно, ќе биде побрзо и поефикасно.
Доколку често чувствувате дека прстите ви трнат, чувствувате болка, слабост и лесна парализа, задолжително треба да побарате лекарска помош. Оваа појава не смеете да ја игнорирате доколку имате тикови, губите свест, ориентација, способност за говор или ослабнат вид.
Причини
Прстите може да трнат како последица на долготрајно седење, стоење или лежење во иста положба. Причината може да биде и слаба циркулација, притисок на нервите покрај рбетот кои ги придвижуваат дисковите, повреда на нервите, како и притисок на периферните нерви.
Болести
Трнењето се јавува и како показател на одредени болести како дијабетес, мултиплекс склероза, мигрена, како и срцев или мозочен удар. Трнењето би можело да биде предизвикано и од недостаток на минерали и витамини во организмот, прекумерно пушење цигари или пиење кафе, како и консумирање на наркотични средства.