Бах кој ги изгубил и двете раце при несреќа со електрична енергија пред 40 години, по долго време имал можност да се оперира и да му бидат поставени две раце во вид на протези кои може да ги контролира преку мозокот! Откако ги истренирал мускулите за како да ги употребува новите раце, тој успеал да поткрене чаши и да изврши неколку движења со секоја рака поединечно.
Овој зафат за прв пат бил спроведен во болницата Џонс Хопкинс. Најпрво Бах морал да помине преку операција за да му направат одредена реинервација на мускулите.
- Ова е релативно нова хируршка процедура, која ги потикнува нервите да ги контролираат рацете. Преку ова, може да им се овозможи на луѓето самите преку мислите да ги контролираат протезите преку размислување за акцијата која сакаат да ја извршат, изјави хирургот Алберт.
По одредени вежби, докторите сфатиле дека операцијата е успешна. Најинтересен и највозбудлив бил делот кога тие ја тестирале протезата. Тогаш Бах се почувствувал дека влегол во сосема нов свет. Помрднувал разни предмети, меѓу кои и една акција која опфаќала вкупно осум движења и тоа со двете раце.
Токму тоа била првата движечка акција на две протези во исто време и тоа преку контролирање на акциите со мислите. Следниот чекор е да го испратат Бах дома за да видат како тој ќе функционира со протезите. Тој се радува дека конечно ќе извршува нормални секојдневни работи, за кои повеќето луѓе не ни размислуваат.