Научно истражување во кое биле опфатени 5.000 луѓе, откри дека првиот знак за артритис се болките во колената за време на качување скали. Ова откритие е важно бидејќи остеоартритисот често не се открива додека не достигне доцна фаза, во која зглобовите се многу оштетни, што операцијата е единствената опција.
Ако се открие порано, може да се намали напредокот на артритисот понекогаш и само со намалување на телесната тежина. Најчестата форма на артритис, остеоартритис е предизвикана од абење на р’скавицата која им помага на нашите зглобови да се виткаат. Проблемите со колената се многу чести кај луѓето и предизвикуваат и други проблеми како што се депресија, губење на тежината и несоница.
Научниците кои го извршувале истражувањето, испитале вкупно 4.673 мажи и жени кои одговарале на прашања поврзани со болки во колената за одредени активности. Повеќето од нив биле изложени на висок ризик од развивање на остеоартритис. Истражувањето траело цели седум години, со следење на болеста. Резултатите покажале дека болките во коленото при искачување на скали е првиот знак за артритис, а потоа следувале болки при пешачење, стоење и седење. На крај на листата се наоѓало дури и лежењето во кревет. Како што напредувала болеста, коленото се повеќе и повеќе слабеело.