Новото италијанско истражување покажува дека ниското ниво на витамин Д може да го зголеми ризикот од еректилна дисфункција.
Истражувачите тестирале 143 мажи со различен степен на еректилна дисфункција и откриле дека поголемиот дел од нив имал недостаток на витамин Д, а само секој петти маж имал задоволително ниво. Исто така, оние мажи кои имале потежок облик на дисфункција имале дури и 24 проценти помалку од овој витамин, за разлика од оние кои имале поумерен облик на нарушувањето.
Недоволното ниво на витамин Д може да го поттикне производството на супероксидни јони, кои го оштетуваат азотниот оксид, молекула која помага крвните жили правилно да функционираат.
- Азотниот оксид ги прави крвните садови поопуштени, што го зголемува протокот на крв и овозможува ерекција во нормални околности, откриваат истражувачите.
Значи, без потребната количина на азотната киселина, крвните садови не можат да се опуштат колку што е потребно. За да не се доведете до степен вашата машкост да ве изневери заради недостаток на витаминот Д, поминувајте колку што можете повеќе време надвор, под умерените сончеви зраци.