Повеќето жени постојано се соочуваат со габични инфекции. Кандидата, која создава непријатни проблеми, како срвбеж, црвенило и печење, е габа која најчесто напаѓа. Тоа се случува кога ќе се поремети киселата PH вредност во вагината и матката. Сепак, можете да направите неколку работи со кои ќе го спречите нејзиното размножување.
Правилна исхрана
Експертите препорачуваат една недела пред да добиете менструација, да ја зголемите консумацијата на пробиотици, а да ги избегнувате шеќерите и јаглехидратите. Јогуртот и кефирот треба да ги пиете почесто отколку вообичаено. Лукот и супите со месо се исто така одлична превентива, додека пак, слатките производи се вистинска замка во исхраната, поттикнувајќи го размножувањето на габите.
Избор на гардероба
Габичните инфекции иако се нарушување, тие претставуваат проблем кој едноставно се решава. Топлата и влажна средина е одлична за нивното размножување. Тоа значи дека тесната облека е многу погодна за ширење на габичните инфекции. Секогаш бирајте облека од природни материјали, а долната облека препорачливо е да ја пеглате, бидејќи на тој начин се уништуваат сите бактерии.
Лична хигиена
Габичното воспаление предизвикува силен сврбеж, а белото прање се зголемува и добива непријатна миризба. Многу е важно редовно и правилно да ја одржувате интимната хигиена. Немојте да користите многу топла вода за миење на интимното подрачје и избегнувајте ги сапуните бидејќи истите ја нарушуваат PH вредност на вагината, особено оние миризливите. Исто така, не се препорачливи ниту миризливите тампони или влошки. За подетални совети за правилна нега и хигиена на вагината, кликнете тука.