Лекарите во болницата „Седарс Синај“ во Калифорнија, САД, сведочеле на најнеобичното породување кое го имале до сега! Случајот на раѓањето на малиот Силас Филипс, кое се случило три месеци порано, тие го нарекуваат медицинско чудо.
Причината за тоа не е само предвременото раѓање, туку тоа што кога бебето излегло од мајката, тоа се уште било целосно обвиткано во аминомскиот меур, односно воденикот.
Вакото породување е особено ретко и се случува еднаш на секои 80.000 случаи, бидејќи при нормално породување аминомскиот меур пука пред раѓањето на бебето, кога мајката ќе добие породилни болки, по што се излева течност.
Инаку, амнионскиот меур е исполнет со течност, а неговата намена е да го заштитува и грее бебето кое плива во него.
Мајката на Силас се породила со царски рез, но необичната ситуација иако ги шокирала лекарите, тие сепак успеале да го фотографираат бебето пред да го раскинат меурот. Силас внатре бил поставен во положба на фетус, но дишењето се одвивало непречено преку постелката.
Мајката на Силас не знаела какво „шоу“ им приредил нејзиниот новороден син на лекарите во болницата, сè додека не ги видела фотографиите.
- Тоа беше навистина кул да се види. И кога слушнав дека ваквите случаи се навистина ретки, веднаш помислив дека тоа е посебно бебе, вели мајката Челзи Филипс.
Силас сега има 12 дена и добро напредува, а дома ќе може да замине за помалку од еден месец.