Истражувачите од калифорнискиот универзитет Стенфорд, развиле пилула која ќе помогне при поставување на дијагноза за рак, која ќе ги замени болните биопсии.
Научниците Џон Роналд и Санџив Гамбир ќе треба да ја претстават таблетата која би помогнала во дијагностицирање на тумор, со што би ги „натерала“ клетките на рак да испуштат во крвта одредени протеини. Токму овие протеини би требало да се појават на крвната слика и на тој начин да се олесни откривањето на рак. Пилулите во себе содржат делови од ДНК кои би требало да се разложат во клетките на туморот.
Пред две години, овие научници ги претставиле прелиминарните резултати од истражувањето, а сега се надеваат на конечен успех.