Освен што ви помага во одржувањето на усната хигиена, вашиот стоматолог би можел да ви помогне при дијагностицирање на шеќерната болест, сугерираат американските истражувачи.
- Во светлото на нашите откритија, посетата на стоматолог би можело да биде корисна прилика за откривање на дијабетес кога се во прашање високо ризичните личности. Тоа е првиот чекор по кој следат подетални податоци за да се одреди нивото на дијабетесот, открила Шила Страус, една од истражувачите од универзитетот во Њујорк.
Нејзиниот тим испитал податоци на околу 410 личности кои посетиле стоматолог. Стоматолозите им земале на пациентите крв од усната шуплина и го тестирале за дијабетес. Токму тој тест се покажал 99% точен во споредба со крвта земени од прстот.
Според податоците на СЗО, се проценува дека во светот денес има над 366 милиони луѓе заболени од дијабетес. Се работи за хронична болест која настанува кога панкреасот веќе не создава доволно инсулин или кога телото не може да учествува во производството на инсулин – хормонот кој им овозможува на клетките да ја преземаат гликозата од крвта и да ја претворат во енергија. Неадекватното производство на инсулин или неговото неделување предизвикуваат зголемена гликоза во крвта (хипергликемија) која може да резултира со долгорочна штета во организмот, односно оштетување на поедини органи и ткива.
Доколку не се лекува, компликациите од дијабетесот може да бидат опасни по здравјето и по животот на пациентот. Тие вклучуваат зголемен ризик од срцеви болести, мозочен удар, хипертензија, слепило, болести на бубрегот и нервниот систем.