Иако како најопасни болести се издвојуваат ракот и заболувањата на крвните садови, луѓето сепак најмногу се плашат од деменција. Ова го покажало британското истражување кое наведува дека во текот на следните 35 години, бројот на заболени од Алцхајмерова болест двојно ќе се зголеми.
Но, во стресното и динамично секојдневние, кое меѓу останатото е погубно и за краткорочното помнење, тешко е да се разликува обичната заборавеност од деменцијата. Иако Алцхајмеровата болест е најчестиот облик, деменцијата е збир на повеќе од 200 различни болести, што дополнително ја отежнува дијагнозата. Исто така, мозокот природно се намалува, па од 50-та до 56-та година од животот овој орган во просек губи 120 грама, а се намалува и нивото на нервротрансмитерите. За најмалку 20 промени во мозокот и деменцијата, виновен е стилот на живеење. Васкуларната деменција често е последица на намалување на циркулацијата во мозокот, што може да се спречи со намалување на тежината и со грижа за крвниот систем.
Сето тоа започнува од ситуациите кога нешто ви е на „врв на јазик“, односно нешто знаете, само што не можете моментално да се сетите.
Затоа лекарите составиле тест од шест прашања, кој ги детектира првите знаци на настапување на деменција. Тие напоменуваат дека овој тест е само информативен и дека не треба да паничите доколку резултатот ви излезе позитивен, но дека секако треба да го посетите лекарот.
1. Која година сме? (точно 0, неточно 4)
2. Кој месец сме? (точно 0, неточно 3). Покрај ова прашање обидете се да ја запомните адресата (пример: Партизански Одреди 5/248 – Скопје)
3. Без гледање на часовникот, кој е наблискиот полн час? (точно 0, неточно 3)
4. Избројте наназад од 20 до 1 (точно 0, една грешка 2, повеќе грешки 4)
5. Набројте ги месеците во годината наназад (точно 0, една грешка 2, повеќе грешки 4)
6. Која беше адресата? (точно 0, една грешка 2, две грешки 4, три грешки 6, четири грешки 8, сè погрешно 10)
Бодување:
0-7: Нема никакви знаци на проблем
8-9: Би било добро да го посетите лекарот
10-28: Поголем проблем, задолжително посетете го лекарот