Хирурзите во Кембриџшајр, Велика Британија, ја извршија првата трансплантација на срце во Европа со употреба на срце кое не работи. Срцата на дарителите обично се од луѓе чии клетки на мозокот се мртви, но чии срца се уште работат.
Во овој случај, органот дошол од дарител чии срце и бели дробови престанале да работат. Од болницата велат дека техниката која се употребува за оваа трансплантација, би можела да го зголеми бројот на достапни срца за околу 25%.
Многу е тешко да се најде срце за трансплантација. Повеќето пациенти кои се на листата за чекање, умираат уште пред да им се најде соодветно срце. До сега, дарителите на срце кое не работи, често ги донирале бубрезите, белите дробови и други органи, но до сега не било возможно да се употреби срцето поради тоа што лекарите сметале дека ќе биде направена одредена штета. Новата процедура вклучува рестартирање на срцето во телото на дарителот пет минути пред смртта и префузирање со други витални органи.
- Срцето работеше околу 50 минути и преку набљудување на неговите функции може да кажеме дека беше во многу добра состојба, изјави главниот хирург кој ја водел операцијата.
Потоа органот го транспортирале во машина за срце, која што го одржувала три часа пред операцијата.
Примателот на срцето, 60-годишниот Хусеин Улцан, од Лондон, во 2008 година имал срцев удар.
- Пред операцијата, едвај можев да се движам и снемував воздух многу лесно. Немав никаков живот. Сега, секојдневно сум посилен и ова утро дојдов во болница без проблем, изјави Хусеин.