Разведените личности имаат поголем ризик за срцев удар во однос на нивните врсници кои останале во брак, покажуваат резултатите спроведени во Америка. Научниците дошле до тие резултати откако цели 18 години испитувале 15.287 испитаници. Имено, врската меѓу разводите и ризикот од инфаркт биле поизразени кај жените, дури и кај оние кои повторно се венчале.
Разводот кај жената бил поврзан со 24% поголем ризик за инфаркт и дури 77% поголем ризик кај жените кои се разведувале повеќе пати. Кај мажите, разводот бил поврзан со 10% поголем ризик за инфаркт, а оние кои повеќе пати се разведувале имале 30% поголем ризик.
Научниците од универзитетот „Дјук“ веруваат дека оваа појава е последица од делувањето на хроничниот стрес поврзан со разводот.