Моментално во светот 100 милиони луѓе боледуваат од депресија, а се проценува дека за пет години, депресијата ќе се искачи на второ место на листата за најчести болести.
Причините за депресивната состојба се многу сериозни. Ако без одредена причина подолго време не јадеме, не спиеме добро, чувствуваме вознемиреност или трема, би требало да побараме помош од психијатар, затоа што во спротивно, може да станеме жртва на депресијата.
-Сериозната болест мора да трае најмалку две недели за да се покаже дека личноста има депресивна епизода. Тоа што сме привремено тажни, може да биде само почеток, смета д-р Славица Ѓукиќ Дејановиќ, од Белградска клиника за психијатриски болести.
Причините за депресија се различни, а секој од нас различно се однесува кон проблемот.
-Речиси нереално е да очекуваме дека во животот ги нема оние негативни чувства, бидејќи тоа води до некој друг нереален свет. Секој од нас мора да развие одредени стратегии за да се одбрани, смета психологот Тамара Кликовац.
Вознемирувачки е податокот дека дијагнозата се поставува многу доцна дури по 10 години од првиот симптом и тоа во 35% од случаите.
-Често се случува пациентот да ни се јави во четвртата, петта деценија од животот иако прв пат се разболел во втората деценија. Поради тоа важно е на време да размислете за депресијата и тоа е првиот чекор, рано да се дијагностицира и да се препознае, советува д-р Дејановиќ.
Докажано е дека парите и среќата не се гаранција дека нема да се разболиме од депресија.
-Еден мошне мудар кинески филозоф кажал дека ако премногу се занимаваме со минатото не бегаме од депресијата, а ако премногу размислуваме за иднината, за која немаме многу влијание, ќе бидеме неминовно нервозни. Значи, совет за добро и ментално здравје е да живееме сега и овде, советува д-р Кликовац.