Минатиот месец, германскиот произведувач на автомобили Ауди, создаде јаглерод-неутрално дизел гориво направено од вода, јаглерод диоксид и обновливи извори на енергија. Како што велат, нивниот пилот погон поставен во Дресден има капацитет за пумпање на 160 литри вакво гориво кои ќе се употребуваат за нивните Audi A8 автомобили.
Сега, тие најавија производство на нов тип на гориво кое е безбедно за околината и кое не се базира на нафта, наречено „и-бензин“. Произведено во Франција, од страна на партнер компанијата на Ауди, Глобал Биоенерџис, новото еко гориво е направено од глукоза извлечена од пченка, која претставува обновлив извор на биомасен шеќер кој се претвора во гасот изобутан.
Најчесто употребуван во системите за ладење и аеросолите, изобутанот е еден од елементите од кои се состои основата на петрохемиската индустрија. Околу 13 милиони тони од него се извлекуваат на годишно ниво од маслото, а се користат за производство на различни видови на горива, пластика и еластомери. Во овој случај, тимот од Глобал Биоенерџис го измени во чисто, висококвалитетно, безоловно гориво.
Експертите велат дека новото гориво може да се користи како адитив во регуларното безоловно гориво со цел да го направи поефикасно, или пак, да се користи самото како гориво. Со оглед на фактот дека истото не содржи бензол или сулфур согорува многу чисто.
Додека следниот чекор би бил наоѓање начин како да се произведува ова гориво во големи количини, компанијата исто така цели кон изменување на процесот на производство со цел да не биде неопходна употребата на биомасно гориво, туку само на вода, хидроген, јаглерод диоксид и сончева светлина, исто како што го произведуваат нивното ново и-дизел гориво.
- Внесуваме зеленило во поле на кое што очајно му треба такво нешто. Економијата базирана на нафта ја движиме кон нешто што е обновливо и претставува ефикасно решение за иднината, вели Рик Бократ, потпретседател за хемиско инженерство во Глобал Биоенерџис.